Aqtóbede qoqys polıgony órtendi
AQTÓBE. QazAqparat – Aqtóbede qoqys polıgonynan órt shyqty. Órt sóndirýshiler men polıgon qyzmetkerleri birigip, sóndirý jumysyn júrgizdi, dep habarlaıdy QazAqparat tilshisi.
Aqtóbe qalasyndaǵy qoqys polıgony keshe saǵat 15:00-den bastap órtendi. Órt sóndirýge 11 adam men 9 tehnıka jumyldyryldy. Oblystyq TJD baspasóz qyzmetiniń habarlaýynsha, sonymen birge taǵy 9 júk kóligi jiberildi. Biri qum sebýge, biri qoqysty taptaýǵa jumyldyryldy.
«Órt búgin saǵat 6:30-da sóndirildi. Aýmaǵy 1200 sharshy metrdi quraıdy. Degenmen jel baǵyty ózgerip, qala ishin tútin basty. Qazirgi kezde órt sóndirýshiler men polıgon qyzmetkerleri qum sebý, taptaý jumysyn júrgizip jatyr. Oblystyq TJD qala turǵyndary men qonaqtaryn qaýipsizdikti saqtaýǵa jáne asa qajet bolmasa dalaǵa shyqpaýǵa shaqyrady»,- dep habarlady oblystyq TJD baspasóz qyzmeti.
