Aqtóbede kóktemgi sý tasqynyna daıyndyq jumystary bastaldy
AQTÓBE. QazAqparat – Aqtóbe qalasy boıynsha kóktemgi sý tasqynyna qarsy jumystarǵa 150 mıllıon teńge bólindi, dep habarlaıdy QazAqparat tilshisi.
Aqtóbe qalalyq tótenshe jaǵdaılar basqarmasy kóktemgi sý tasqynynyń aldyn alý jumystaryn bastady. 100-den astam assenızator, 20-dan astam arnaıy tehnıka men 5 motopompa daıyn. Sonymen birge 4 myń tonnadan astam ınertti materıal bar.
«Qala aýmaǵyndaǵy qardy shyǵarý jumystaryna 7 merdiger kompanııa jumyldyrylǵan. Olar jeke turǵyn úı sektoryndaǵy qardy jınaýy tıis. Merdiger kompanııalardyń 160 tehnıkasy bar. Polıgonǵa 120 myń tekshe metr qar shyǵaryldy. Aqpan aıynyń sońyna qaraı sýaǵarlar men sý ótkizý kanalyn tazartady. Kún saıyn azamattyq qorǵaý organdarynan 63 adam men jol talǵamaıtyn 18 tehnıka shyǵarylady», - dedi Aqtóbe qalalyq tótenshe jaǵdaılar basqarmasynyń ofıtseri Serjan Jolmaǵanbetov.
