Aqtóbede kóktaıǵaq saldarynan avtobýs aýdarylyp qaldy
AQTÓBE. QazAqparat - Samara-Shymkent tas jolynda kóktaıǵaq saldarynan avtobýs aýdaryldy, dep habarlaıdy QazAqparat tilshisi.
«4 aqpanda saǵat 14:00 shamasynda Hromtaý qalasynan 5 shaqyrym jerde «Neoplan» markaly avtobýs joldyń taıǵaq ýchaskesinde aýdarylyp qaldy. Avtobýs kúzet qyzmetkerlerin tasymaldaǵan. Jol-kólik oqıǵasy saldarynan zardap shekkender joq», - dep málim etti oblystyq PD baspasóz qyzmetiniń jetekshisi Erbolat Sarqulov.
Aıta keteıik, Aqtóbe oblysynyń polıtsııa departamenti kólik júrgizýshilerine jolda saq bolýǵa jáne jyldamdyq pen qozǵalys aralyǵyn saqtaýdy eskertedi.
