Aqtóbede kókónis baǵasy ózgerdi

AQTÓBE. KAZINFORM – Aqtóbede pııaz, kartop, sábiz baǵasy ósti. Bul týraly Ulttyq statıstıka bıýrosynyń oblystyq departamenti habarlady.

Aqtóbe qalasy boıynsha bir aptada áleýmettik mańyzy bar azyq-túlik qataryna kiretin birneshe kókónis baǵasy kóterildi.

- Pııaz 18,9 paıyzǵa, kartop 3,5%, sábiz 3% kóterildi. Al qaraqumyq jarmasy 2,4%, birinshi surypty bıdaı unynyń kelisine 1,2% ósti. Sonymen birge qyryqqabat, kúrish, jumyrtqa, súzbe, aıran baǵasy tómendedi, - dedi Ulttyq statıstıka bıýrosy Aqtóbe oblystyq departamentiniń basqarma basshysy Shara Nurpeıisova.

Aıta keteıik, qazir bazarda qyzanaq kelisi 700-850 teńge, al qııar 500 teńge. Іri sýpermarket, gıpermarkette qııar baǵasy shamamen 600 teńge bolsa, qyzanaq 900-1000 teńge. Al kartop baǵasy kelisine ortasha eseppen 120-130, pııaz 120-140 teńge. Qyryqqabat kelisi keı bazarda 100 teńge bolyp tur. 

Eske salsaq, Aqtóbede turaqtandyrý qorynyń ónimderi de satýǵa shyǵyrylǵan. Onda kartoptyń kelisi 96 teńge, qyryqqabat 84 teńge boldy. Sonymen birge qalada áleýmettik taýarlar satatyn 17 arnaıy oryn bar. Munda talap boıynsha baǵa bazardan 10-15% tómen.