Aqtóbede qoqystan tabylǵan náreste kelesi aptada sábıler úıine aýystyrylady
AQTÓBE. KAZINFORM – Qazir qujattary rásimdelip jatyr. Sábı din aman, densaýlyǵy qalypty.
Aqtóbe oblystyq Densaýlyq saqtaý basqarmasy baspasóz qyzmetiniń habarlaýynsha, náreste ázirge aýrýhanada.
- Qazir qujattardy rásimdeý jumysy júrip jatyr. Polıtsııa bárin rettegen soń sábıler úıine tapsyramyz. Shamamen kelesi aptanyń ortasynda sonda aýystyramyz,- dep habarlady baspasóz qyzmeti.
Aıta keteıik, Aqtóbede qoqystan shaqalaq tabyldy. Ony sol mańda oınap júrgen jasóspirimder kórip, eresekterge habar bergen.
Polıtsııa sábıin qoqysqa tastap ketken anaǵa qatysty qylmystyq is qozǵaldy. Alaıda sábıdiń anasy áli tabylmady.
