Aqtóbede qoqystan shaqalaq tabyldy
AQTÓBE. KAZINFORM - Ul bala aman qaldy. Qazir balalar aýrýhanasynda jatyr.
Aqtóbe oblystyq PD baspasóz qyzmetiniń habarlaýynsha, balany paketke salyp, qoqys konteıneri mańyna laqtyryp ketken. Pakettiń jybyrlap jatqanyn kórgen aqtóbelikterdiń biri polıtsııaǵa habar berdi.
- Jańa týǵan sábı paket ishinen tabyldy. Náreste polıtsııa qyzmetkerleriniń jedel áreketiniń arqasynda der kezinde medıtsınalyq mekemege jetkizildi. Qazirgi ýaqytta jańa týǵan bala dárigerlerdiń baqylaýynda. Atalǵan fakti boıynsha polıtsııa qyzmetkerleri sábıdiń anasyn anyqtaýǵa baǵyttalǵan jedel-izdestirý is-sharalaryn júrgizip jatyr,- dep habarlady Aqtóbe oblystyq PD baspasóz qyzmeti.
Qazir shaqalaq oblystyq balalar aýrýhanasynda jatyr.
- Jańa týǵan náresteniń salmaǵy 2900 gramm. Ol jedel járdem brıgadasymen aýrýhanaǵa jetkizildi. Reanımatsııa bólimine jatqyzyldy. Qazirgi ýaqytta jaǵdaıy turaqty aýyr. Barlyq qajetti dıagnostıkalyq jáne emdeý sharalary júrgizilip jatyr,- dep habarlady oblystyq densaýlyq saqtaý basqarmasynyń baspasóz qyzmeti.
Aıta keteıik, byltyr qysta Oral qalasynda qoqys konteınerinen shaqalaq tabyldy. BQO polıtsııa departamentiniń baspasóz qyzmetinen jazǵandaı, qylmystyq is qozǵalyp, anasyn izdestirý jumystary júrgizilgenimen, onyń mekenjaıy anyqtalǵan joq.
