Aqtóbede qoqys polıgonyndaǵy órt eki táýlikten soń tolyq sóndirildi

AQTÓBE. KAZINFORM – Qazirgi kezde áli de sý sebý, qalpyna keltirý jumystary júrip jatyr. 

Turmystyq qatty qaldyq saqtaıtyn polıgondaǵy órt 3 qyrkúıek kúni tutandy. Qatty jelden ony sóndirý qıynǵa tústi. Sol kúni órt alańy oqshaýlanǵanymen, byqsyp jatqan aımaqty basý búginge deıin jalǵasty. 

– Órtti sóndirýge oblystyq tótenshe jaǵdaılar departamenti, «Taza Álem 12» JShS-niń jáne jergilikti atqarýshy organdardyń kúshi men quraldary jumyldyryldy. Barlyǵy 70-ten astam jeke quram jáne 44 tehnıka jumyldyryldy. Órt oshaqtaryna sý shashý, jerdi qalpyna keltirý jumystary jalǵasady. Zardap shekken adam joq, - dep habarlady oblystyq TJD baspasóz qyzmeti. 

Aqtóbe qalasy ákiminiń baspasóz qyzmeti habarlaǵandaı, qazirgi kezde ottyń qalaı tutanǵanyn anyqtaý úshin arnaıy shtab quryldy. 

Eske salsaq, órt jaıly habarlama túsken boıda tótenshe jaǵdaılar qyzmetimen qatar jergilikti atqarýshy organnan adamdar jumyldyryldy.