Aqtóbede qoqys polıgonynan órt shyqty
AQTÓBE. KAZINFORM — Órt eki saǵat buryn tutandy. Qazir órtti sóndirý, qum sebý jumysy júrip jatyr.
Aqtóbe qalasy ákiminiń baspasóz qyzmetiniń habarlaýynsha, órt saǵat 16:30–da tirkeldi. Órt qalalyq qatty turmystyq qaldyqtar polıgonynyń jańa aýmaǵynda tutandy.
— Tútindi basý maqsatynda oblystyq tótenshe jaǵdaılar departamenti men jergilikti atqarýshy organdardyń kúshteri jumyldyryldy. Arnaıy tehnıkalardyń kómegimen órt oshaǵyn topyraqpen kómip jatyr. Órtti sóndirý jáne saldaryn joıý jumystaryna 10 órt sóndirý mashınasy, 15 sý tasymaldaıtyn kólik, sondaı-aq 20 aýyr júk kóligi, 7 júk tıegish, 1 ekskavator jáne 2 býldozer jumyldyryldy, — dep habarlady Aqtóbe qalasy ákiminiń baspasóz qyzmeti.
Aıta keteıik, órt Aqtóbeniń qoqys polıgonynda jyl saıyn tirkeledi. Mamyr aıynda órt polıgonnyń jańa bóligindegi 18 kartanyń ekeýinde boldy.
