Aqtóbede qoqys polıgonynan órt shyqty
AQTÓBE. KAZINFORM - Órt bir jarym saǵat ishinde sóndirilgenimen, áli byqsyp jatyr. Endi sol aýmaqqa qum tóselip jatyr.
Aqtóbe qalasyndaǵy qoqys polıgonyndaǵy órt saǵat 15:36-da tirkeldi. Al saǵat 17:02-de qyzyl jalyn sóndirildi. Aýdany - 600 sharshy metr.
- Órt polıgonnyń jańa bóligindegi 18 kartanyń ekeýinde boldy. Al qalǵan 16 kartaǵa buǵan deıin topyraq tóselip, aldyn alý jumysy júrgizilgen. Órt qaıta tutanyp, qalany tútin baspas úshin tótenshe jaǵdaılar qyzmeti men jergilikti atqarýshy organdary birge jumys istep jatyr. Jergilikti atqarýshy organdar tarapynan 54 adam, 25 KamAZ, 3 býldozer, 7 tıegish, 5 assenızatorlyq tehnıka jáne 3 MDK tehnıkasy jumyldyryldy. Sonymen qatar, TJD-dan 48 qyzmetker men 11 tehnıka tartyldy,- dep habarlady Aqtóbe qalasy ákiminiń baspasóz qyzmeti.
Aıta keteıik, sáýir aıynyń basynda Atyraýdaǵy qoqys polıgonynan órt shyǵyp, keıin tolyqtaı sóndirildi.
