Aqtóbede qoqys mańynan tabylǵan er adamdy óltirgen kúdikti ustaldy

AQTÓBE. KAZINFORM – Kúdikti men jábirlenýshi birge otyryp, ishimdik ishken. Sol kezde janjaldasyp, biri ekinshisin pyshaqtaǵan. Polıtsııa aldyn ala boljamdy aıtty.

Aqtóbe polıtsııasy 12-naýryzda bolǵan qylmystyq iske qatysy bar kúdiktini izdep tapty.

- Polıtsııa qyzmetkerleri jedel izdestirý sharasyn júrgizip, kisi óltirdi degen kúdiktini anyqtap, ustady. Aldyn ala málimet boıynsha kúdikti men jábirlenýshi ishimdik iship otyryp, janjaldasady. Sol kezde kúdikti jábirlenýshige birneshe ret pyshaq jaraqatyn salǵan. Qazirgi ýaqytta oqıǵanyń barlyq mán-jaıyn jan-jaqty, tolyq jáne obektıvti anyqtaýǵa baǵyttalǵan qajetti tergeý áreketteri júrgizilip jatyr. Kúdikti ýaqytsha ustaý ızolıatoryna qamaldy,- dep habarlady Aqtóbe oblystyq PD baspasóz qyzmeti.

Eske salsaq, ótken aptada Aqtóbede qoqys mańynan 50 jastaǵy er adamnyń denesi tabyldy. Birden izdeý jumysy júrdi.