Aqtóbede «Kók týdyń jelbiregeni» atty parıottyq ánder kontserti ótti
AQTÓBE. QazAqparat - Aqtóbede «Kók týdyń jelbiregeni» atty joba aıasynda patrıottyq ánder kontserti ótti. Respýblıkalyq joba aıasynda ánshi Eskendir Ibragımovpen qatar aqtóbelikter óner kórsetti, dep habarlaıdy QazAqparat tilshisi.
Elimizdiń birneshe oblysyn aralap úlgergen «Kók týdyń jelbiregeni» atty joba aqtóbelikterge áserli kesh syılady.
«Baldáýren» respýblıkalyq oqý-saýyqtyrý ortalyǵy men «Nur Otan» partııasynyń «Jas Otan» jastar qanaty birlesip Elbasynyń «Bolashaqqa baǵdar: rýhanı jańǵyrý» atty maqalasyn nasıhattaýǵa, memleket rámizderdiń 25 jyldyq mereıtoıyna arnap jańa jobany qolǵa aldy.
«Elbasy Nursultan Nazarbaevtyń «Bolashaqqa baǵdar: rýhanı jańǵyrý» atty maqalasynan soń jastarmen, «Jas Otan» jastar qanatymen birigip, halyqqa jetkizý úshin jolǵa shyqtyq. Ári bıyl rámizderdiń 25 jyldyq mereıtoıy bolady. «Kók týdyń jelbiregeni» atty joba aıasynda aldymen ońtústik óńirin aralap, Aqtóbege keldik. Óner ol -ıdeologııa. Sondyqtan jastarǵa jol kórsetý bizdiń mindetimiz»,- dedi QR «Daryn» memlekettik syılyǵynyń ıegeri, ánshi, kompozıtor Eskendir Ibragım. Ánshi kontsert kezinde «Kók týdyń jelbiregeni», «Amanat», «Altyn tulpar», «Máńgilik el», «Batyrlar urany», «Jerim meniń» atty ánderin shyrqady. Joba aıasynda Jetesovter otbasylyq úlgidegi ansambli men №3 mýzykalyq mekteptiń oqýshylary óner kórsettti.
«Jańa joba Elbasy maqalasyn júzege asyrýǵa arnalǵan naqty qadam bolyp sanalady. Jastar úles qosyp, aqtóbelikter qoldap, iske asyryp jatyr. Máńgilik el, Qazaqstannyń bolashaǵy jastardyń qolynda. Jastar el bolashaǵy»,- dedi «Nur Otan» partııasy oblystyq fılıaly tóraǵasynyń orynbasary Nurhan Aǵnııazov.
Aıta keteıik, kontsert elimizdiń barlyq aımaǵynda ótedi. Oǵan qoǵam jáne sport qaıratkerleri, oblystyq máslıhat depýtattary, jas patrıottar akademııasynyń músheleri, ata-ana qamqorlyǵynsyz qalǵan oqýshylar, jas aqyndar men mektep oqýshylary qatysady.
