Aqtóbede qoǵamdyq jumystan bas tartqan sottalǵandar qaıta túrmege qamaldy
AQTÓBE. QazAqparat – Aqtóbe oblysy, Qarǵaly aýdanynyń turǵyny kórshisiniń temir buıymdaryn urlap, metall qabyldaý oryndaryna tapsyrǵan. Sot sheshimimen 300 saǵattyq qoǵamdyq jumysqa tartylǵanymen, talapty orynldamady, dep habarlaıdy QazAqparat tilshisi.
Aqtóbe oblystyq QAJ departamenti baspasóz qyzmetiniń habarlaýynsha, Qarǵaly aýdanynyń turǵyny metall buıymdardy arnaıy qabyldaý ornyna ótkizip, aqshasyna ishimdik ishýdi ádetke aınaldyrǵan. Sot otyrysy kezinde protseske qatysýshylardy qorqytyp, oǵan qosymsha 300 saǵattyq qoǵamdyq jumysqa tartý jazasy taǵaıyndaldy.
«Jazasyn óteýshi probatsııa qyzmetkerleriniń eskertýine qulaq aspaı, sot júktegen mindetterdi oryndaýdan bas tartty. Birneshe ret jazany óteý sharttaryn buzdy. Kúnine 8 saǵattyq qoǵamdyq jumystardan, onyń ishinde kóshe men saıabaqty qardan tazalaýdan bas tartady. Sonymen birge turǵylyqty jerin ózgertip, polıtsııa qyzmetkerleri 20 kúnnen soń ony Aqtóbe qalasynan tapty. Aýdandyq sottyń úkimimen sottalǵan A. jazasynyń qalǵan merzimin túzeý mekemesinde óteıdi»,- deıdi Qarǵaly aýdandyq probatsııa qyzmetiniń aǵa ınspektory ádilet aǵa leıtenanty Janbolat Jaqsylyqov.
