Aqtóbede qoǵamdyq kólik jolaqysy qymbattaıdy
AQTÓBE. QazAqparat - Aqtóbede jolaqy 55 teńgeden 80 teńgege qymbattaıdy, dep habarlaıdy QazAqparat tilshisi.
Aqtóbe qalasynyń jolaýshylar tasymalymen aınalysatyn eki kompanııa jolaqyny 200-212 teńgege qymbattatýdy suraǵan bolatyn. Búgin depýtattar jolaqy qunyn 80 teńge etip bekitti.
"Aqtóbe qalalyq máslıhaty jolaqy baǵasyn bekitti. Qyrkúıek aıynan bastap jolaqy 80 teńge bolady. Sonymen qatar, jasyna baılanysty zeınetke shyqqan adamdarǵa, Chernobyl jáne aýǵan soǵysy ardagerlerine 60 teńge bolady. Balalarǵa 40 teńge. Kelisim boıynsha І top múgedekterine, UOS ardagerlerine, UOS ardagerlerine teńestirilgender men tyl ardagerlerine - tegin", - dedi qalalyq jolaýshylar kóligi jáne avtomobıl joldary bóliminiń basshysy Rýslan Tóreǵalı.
Aıta keteıik, jolaqyny 200 teńgege kóterý týraly qoǵamdyq tyńdaý bolǵan kezde halyq óz pikirin bildirip, qarsy shyqty. Bir aıdan soń sheshim qabyldandy. Jergilikti bılik jańa tarıftiń dál qaı kúni qoldanysqa engiziletinin naqtylamady.
