Aqtóbede qoǵamdyq kólik jaıaý júrginshini qaǵyp óltirdi
AQTÓBE. QazAqparat - Aqtóbe qalasyndaǵy Ortalyq bazar mańynda qaıǵyly oqıǵa tirkeldi. Qoǵamdyq kólik jaıaý júrginshini qaǵyp ketti, dep habarlaıdy QazAqparat tilshisi.
Aqtóbe qalasyndaǵy Sh.Ýálıhanov pen Janqoja batyr kósheleriniń qıylysynda qaıǵyly oqıǵa tirkeldi. Júrginshiler jolynan ótpek bolǵan áıeldi qoǵamdyq kólik qaǵyp ketip, ol oqıǵa ornynda kóz jumdy. Kýágerlerdiń aıtýynsha, oqıǵa saǵat 11:00-de bolǵan.
«Men bazar mańyna jarnamalyq gazet taratýǵa keldim. Gazetti taratyp turǵan kezde tars etken qatty dybys shyǵyp, keıin bir áıeldiń jatqanyn kórdik. Ol baǵdarshamnyń qyzyl túsi janyp turǵanda júgirip ketti. Janynda taǵy bir áıel bolyp, ol týystaryn shaqyryp aldy», - dedi kýáger.
Aıta keteıik, №20 baǵyttaǵy avtobýs qazir oqıǵaǵa ornynda tur. Polıtsııa qyzmetkerleri joldy jaýyp, tergeýdi bastady. 
