Aqtóbede qoǵamdyq birlestik tóraǵasy alaıaqqa aldandy
AQTÓBE. QazAqparat - Aqtóbede múgedekterdiń qoǵamdyq birlestik tóraǵasy alaıaqqa aldanyp qaldy, dep habarlaıdy QazAqparat tilshisi.
Aqtóbe oblystyq polıtsııa departamenti aqtóbelikterdi asa saq bolýǵa jáne alaıaqtardyń qurbany bolmas úshin beıtanys adamdarǵa senbeýge shaqyrady.
Qalanyń 50 jastaǵy turǵyny múgedekterge arnalǵan áleýmettik kómekti rásimdeýge járdemdesemin dep ótirik aıtqan.
Al qoǵamdyq birlestik tóraǵasy oǵan senip, qaltasyndaǵy 200 myń teńgesin ustatyp jibergen.
«Qazirgi kezde Qylmystyq kodekstiń «Alaıaqtyq» baby boıynsha qylmystyq is qozǵaldy. Kúdikti ustaldy. Aıta keteıik, kúdiktiniń kinási dáleldense onyń múlki tárkilenip, 1 myń aılyq eseptik kórsetkish kóleminde aıyppul salynýy múmkin», - dedi oblystyq PD baspasóz qyzmetiniń jetekshisi Erbolat Sarqulov.
