Aqtóbede qoǵamdyq avtobýs dúkenge soǵyldy
AQTÓBE. QazAqparat – Aqtóbede qoǵamdyq kólik baǵytyn ózgertip, dúkenge baryp soǵyldy, dep habarlaıdy QazAqparat tilshisi.
Búgin tańerteń Aqtóbe qalasyndaǵy Shernııaz jáne Ýálıhanov kósheleriniń qıylynsynda jol-kólik oqıǵasy boldy. №7 baǵyttaǵy avtobýs aldymen qorshaýǵa soǵylyp, keıin dúkenge soǵylǵan.
«Avtobýs salonynda jolaýshylar bolǵan joq. Eshkim zardap shekpedi. Qazir tekserý júrgizilip jatyr. Júrgizýshiniń aıtýynsha, tejegish isten shyqqan», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, avtobýs soqqan dúkende balalar kıimi satylady. Onyń terezesi qırady. Al janyndaǵy uıaly telefon jóndeý ornynyń qasbeti búlindi.
