Aqtóbede qoǵamdyq kólikterge dabyl túımesi qondyrylyp jatyr
AQTÓBE. KAZINFORM — Shuǵyl shaqyrtý tússe polıtsııa avtobýstyń qaı baǵytta ketip bara jatqanyn anyqtaıdy. Keıin eń jaqyn polıtsııa jasaǵy barady.
Aqtóbede jolaýshylardyń qaýipsizdigi úshin pılottyq joba iske qosyldy. Avtobýs salonyna beınekamera men dabyl túımesi ornatylyp jatyr.
— Tóbeles, buzaqylyq, mas jolaýshylardyń áreketi, avtobýsqa qaýip tóndirý nemese ózge de tótenshe jaǵdaı kezde júrgizýshi dabyl túımesin basady. Sol sátte Jedel basqarý ortalyǵyna dabyl sıgnaly túsedi. Operator avtobýs salonyndaǵy beınejazbany avtomatty túrde ashyp, ınteraktıvti kartadan qoǵamdyq kóliktiń naqty ornalasqan jerin, qozǵalys baǵytyn anyqtaıdy. Inspektor avtobýsqa eń jaqyn polıtsııa jasaǵyn jiberedi. Bul oqıǵa ornyna barý ýaqytyn edáýir qysqartyp, jaǵdaı ýshyǵyp ketpeı turyp jedel áreket etýge múmkindik beredi, — dedi Aqtóbe oblystyq PD baspasóz qyzmeti.
Qazirgi ýaqytta júıe synaq rejıminde tekserýden ótip jatyr. Pılottyq jobanyń qorytyndysy boıynsha júıe Aqtóbedegi barlyq qoǵamdyq kólikke kezeń-kezeńimen engiziledi.
Aıta keteıik, Aqtóbede beınebaqylaý kameralary arqyly 5 myńnan astam ákimshilik quqyqbuzýshylyq tirkeldi. Polıtsııa kameralardyń kómegimen 57 qylmysty ashty.
