Aqtóbede qyzyn zorlady dep aıyptalǵan áke 20 jylǵa sottaldy

AQTÓBE. KAZINFORM - Aqtóbede qyzyn zorlaǵan 48 jastaǵy er adam 20 jylǵa bas bostandyǵynan aıyryldy. Ol májbúrli túrde emdeledi.

Qylmystyq is Aqtóbe oblystyq qylmystyq ister jónindegi mamandandyrylǵan aýdanaralyq sotynda qaraldy. Іs materıalyna súıensek, 48 jastaǵy er adam Qostanaı oblysynyń týmasy bolǵanymen Aqtóbede turǵan. Orta bilimdi, jumyssyz er adamnyń otbasy bar. Oǵan Qylmystyq kodekstiń 120-baby 4-bóligimen aıyp taǵyldy.

«Sottalýshy I. H-ty aıypty dep tanyp, 20 jylǵa bas bostandyǵynan aıyrý jazasy taǵaıyndalsyn. Pedagogıkalyq jáne jasóspirimdermen jumys isteý quqyǵynan ómir boıyna aıyrylsyn. Jazasyn óteý orny qylmystyq atqarý júıesiniń qaýipsizdigi ortasha mekemesi dep belgilensin. Psıhotropty zattardy tutynýyna baılanysty psıhıatrǵa májbúrli túrde emdeýge jiberilsin», - dedi sýdıa N.Baqtyǵalıev.

Oqıǵa 2021-2023 jyldary aralaǵynda bolǵan.

Eske salsaq, buǵan deıin Aqtóbede 14 jastaǵy qyzdy zorlaýy yqtımal kúdiktiler úıqamaqqa alyndy.