Aqtóbede qyzylsha juqtyrǵandar sany úsh ese artty

AQTÓBE. KAZINFORM – Jyl basynan beri 173 adamnan qyzylsha anyqtaldy. Solardyń kóbi – jasy 14-ke tolmaǵan bala.

Aqtóbe oblystyq sanıtarııalyq-epıdemıologııalyq baqylaý departamentiniń habarlaýynsha, byltyr 32 adamnan qyzylsha anyqtalyp, emdeldi. Al bıyl qańtar aıynan beri ósim baıqalyp, 173 adam em qabyldady. Ósim – 3,3 ese.

– Qańtar aıynan bastap kúni búginge deıin 173 adamǵa qyzylsha dıagnozy qoıyldy. Olardyń 155-i bala. ıAǵnı jasy 14-ke tolmaǵandar. Sonymen birge bireýi jasóspirim, 17-si eresek. Qyzylsha juqtyrǵandardyń 76,3%-y ekpe almaǵan, ıaǵnı balalar. Negizgi sebebi – medıtsınalyq qarsy kórsetilimi bar, ata-ananyń qorqynyshy, senimsizdigi. Dinı nemese jeke kózqarastar da bar. Vaktsına alǵan balalarda ekpeden soń asqyný bolmady, keri áseri tirkelmedi. Osyǵan baılanysty ata-analar men turǵyndardy balalaryn ýaqtyly vaktsınatsııalaýǵa shaqyramyz. Qyzylsha aýrýy asqynsa adam otıt, larıngıt, entsefalıt, bronhopnevmonııaǵa shaldyǵyp, soqyr bolyp qalýy múmkin. Tipti mıy qabynady, - dep habarlady Aqtóbe oblystyq sanıtarııalyq-epıdemıologııalyq baqylaý departamentiniń baspasóz qyzmeti.

Eske salsaq, Aqtóbe oblysynda 2024 jyly 3 700-den astam adam qyzylsha juqtyrsa, byltyr tek 32 derek tirkeldi. Ol úshin óńirde qosymsha vaktsınatsııalaý júrgizildi. Óńirde kishkentaı balalarmen qatar jasóspirimder de ekpe qabyldady. Ol úshin óńirde qosymsha vaktsınatsııalaý júrgizildi. Óńirde kishkentaı balalarmen qatar jasóspirimder de ekpe qabyldady.