Aqtóbede qyzylsha juqtyrǵan 200-den astam adam aýrýhanada em qabyldap jatyr

Aqtóbe oblysy boıynsha 208 adam aýrýhanada em qabyldap jatyr. Onyń 177-i bala, dep habarlaıdy Kazinform.

Bıyl Aqtóbede 3 myńnan astam adamda qyzylsha jutyrǵan bolýy múmkin dep tekserildi. Kóbisi Aqtóbe qalasynda.

- Oblysymyzda ǵana emes, elimizde qyzylsha boıynsha jaǵdaı qolaısyz. Bizde búgingi kúnde 312 kereýet daıyndaldy. Onyń 248-i balalarǵa arnaldy. Oblys ortalyǵymen qatar 13 aýdandyq aýrýhanada 100-den astam kereýet bólindi. Qazirgi kezde oblys boıynsha 208 adam aýrýhanalarda em qabyldap jatyr. Aqtóbe qalasy boıynsha 154 adam tirkelip, em alýda. Qazirgi kezde 1 jastaǵy balalarǵa vaktsına saldyrý kórsetkishi 82,7% qurap otyr. Al 6 jastaǵy balalardy revaktsınatsııalaý kórsetkishi 80% asty,- dedi Aqtóbe oblystyq densaýlyq saqtaý basqarmasy basshysynyń orynbasary Baqytjan Túlkibaeva.

Qazirgi kezde oblystyq densaýlyq saqtaý basqarmasynda ahýaldyq ortalyq qurylyp, baqylaý kúsheıtildi. Em hattamaǵa sáıkes júrgizilip jatyr. Jansaqtaý bóliminde jatqan eshkim joq.

- Bilim berý oshaqtaryn karantınge jabý qarastyrylmaǵan. Máselen óńirde 400-den astam mektep bolsa, onyń 110-da qyzylsha juqtyrǵan oqýshy tirkeldi. Sonymen birge 229 balabaqshadan vırýs juqtyrǵan balalar anyqtaldy. Bári biz mezgilde aýyrmady, sondyqtan karantınge jabylmaıdy, - dedi Aqtóbe oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.