Aqtóbede qyzylsha dertin juqtyrǵan bes bala jansaqtaý bóliminde jatyr

AQTÓBE. KAZINFORM – Aqtóbe oblysy boıynsha qyzylsha dertin juqtyrǵan 5 bala jansaqtaý bóliminde jatyr. Olardyń bári vaktsına saldyrmaǵan.

Aqtóbe oblysy boıynsha qyzylsha aýrýyna shaldyqqan adamdardy emdeý úshin 327 kereýet daıyndaldy. Onyń 200-den astamy balalarǵa arnaldy. Al Aqtóbe oblystyq ftızıopýlmonologııalyq ortalyǵynyń ońaltý bóliminde 215 kereýet ashyldy. Aýdandarda 101 kereýet ázirlendi. Qazirgi kezde oblysta 145 adam aýrýhanada jatyp, em qabyldap jatyr.

- Qazirgi kezde qyzylsha juqtyrǵan bes bala jansaqtaý bóliminde jatyr. Olar 5 aılyq, 6 aılyq, 10 aılyq, 2 jas 7 aılyq jáne 1 jas 4 aılyq balalar. Bári vaktsına saldyrmaǵan. Barlyq balanyń jaǵdaıy aýyr. Tynys alý joldary zaqymdanǵan. Em-domnyń arqasynda beti beri qarap keledi,- dedi Aqtóbe oblystyq densaýlyq saqtaý basqarmasy basshysy Rústem Isaev.

Jappaı ımmýndaý sharasy aıasynda 30 myńnan astam bala vaktsına saldyrdy. Bul ekpe qabyldaýy tıis balalar sanynyń 60 % quraıdy.

- Oblystyq densaýlyq saqtaý basqarmasy statsıonarlyq em alyp jatqan aýrýhanaǵa ınfektsıonıst, reanımatolog, jalpy tájirıbeli dáriger jiberildi. Monıtorıng top kúnde emhanalarǵa baryp, túsindirip júr. Ahýaldyq ortalyq ta quryldy,- dedi Aqtóbe oblystyq densaýlyq saqtaý basqarmasy basshysynyń orynbasary Baqyt Túlkibaeva.
Aıta keteıik, qazir óńirde qyzylshaǵa qarsy 50 myń doza vaktsına bar.