Aqtóbede qyzǵaldaqpen fotoǵa túsken aýyl ákimi ákimshilik jaýapqa tartylady
AQTÓBE. KAZINFORM – Aqtóbede qyzǵaldaq ustap fotoǵa túsken aýyl ákimi ákimshilik jazaǵa tartylady. Sonymen birge is Ádep jónindegi keńeste qaralýy múmkin.
Muǵaljar aýdany Qudaıbergen Jubanov atyndaǵy aýyldyq okrýg ákimi Lázzat Berdibaevaǵa Ákimshilik quqyqbuzýshylyq týraly kodekstiń «Kámeletke tolmaǵan adamdy tárbıeleý jáne (nemese) oǵan bilim berý, onyń quqyqtaryn jáne (nemese) múddelerin qorǵaý jónindegi mindetterdi, qaýipsizdigin qamtamasyz etý jónindegi sharalardy oryndamaý» baby boıynsha hattama toltyryldy. Kodekske súıensek, ákim 10 aılyq eseptik kórsetkish kóleminde aıyppul tóleıdi. Bul degenimiz 39 320 teńge.
- Áleýmettik jelilerde jarııalanǵan Muǵaljar aýdany turǵynynyń gúl shoqtarymen túsken sýreti boıynsha aqparatqa tekserý júrgizildi. Tekserý barysynda atalǵan turǵyn gúlderdi kámeletke tolmaǵan balalarynyń julǵanyn aıtty. Nátıjesinde kámeletke tolmaǵan balany tárbıeleý jáne kútip-baǵý jónindegi mindetterdi oryndamaǵany úshin oǵan qatysty ákimshilik hattama toltyryldy. Sonymen qatar, memlekettik qyzmetshiniń osy áreketin Ádep jónindegi keńeste qaraý úshin aýdan ákimdigine usynys joldandy,- dep habarlady oblystyq PD baspasóz qyzmeti.
Eske salsaq, aýyldyq okrýg ákimi Lázzat Berdibaevanyń gúl ustap túsken fotosy áleýmettik jeli arqyly tarap ketti.
Polıtsııa fotodaǵy gúldiń Qyzyl kitapqa engen-enbegenin tekserýi tıis edi. Biraq bul týraly aqparat sol kúıi ashyq aıtylmady.