Aqtóbede qyzǵaldaq ustap fotoǵa túsken ákimniń isi sotqa tústi

AQTÓBE. KAZINFORM – Qudaıbergen Jubanov atyndaǵy aýyldyq okrýg ákimi Lázzat Berdibaeva gúl julǵan balasy úshin sot aldynda jaýap beredi. 

Aqtóbe oblystyq soty baspasóz qyzmetiniń habarlaýynsha, oblystyq kámeletke tolmaǵandardyń isteri jónindegi mamandandyrylǵan aýdanaralyq sotyna túsip Qudaıbergen Jubanov atyndaǵy aýyldyq okrýg ákimi Lázzat Berdibaevaǵa qatysty is tústi. Sot 13 mamyr kúni saǵat 10:30-ǵa belgilengen. Sot ashyq ótedi.

Aıta keteıik, Muǵaljar aýdany Qudaıbergen Jubanov atyndaǵy aýyldyq okrýg ákimi Lázzat Berdibaevaǵa Ákimshilik quqyqbuzýshylyq týraly kodekstiń «Kámeletke tolmaǵan adamdy tárbıeleý jáne (nemese) oǵan bilim berý, onyń quqyqtaryn jáne (nemese) múddelerin qorǵaý jónindegi mindetterdi, qaýipsizdigin qamtamasyz etý jónindegi sharalardy oryndamaý» baby boıynsha hattama toltyryldy.

Kodekske súıensek, ákim 10 aılyq eseptik kórsetkish kóleminde aıyppul tóleıdi. Bul degenimiz 39 320 teńge. 

Qudaıbergen Jubanov atyndaǵy aýyldyq okrýg ákimi Lázzat Berdibaeva óz sózinde gúldi qyzdary julyp ákelgenin aıtqan. Onyń isi Ádep keńesinde de qaralýy múmkin.