Aqtóbede kitaphanashylar oqyrmandaryn Amal merekesimen quttyqtady
AQTÓBE. QazAqparat - Aqtóbedegi Saqtaǵan Báıishev atyndaǵy ámbebap ǵylymı kitaphana ujymy búgin oqyrmandaryn Amal merekesimen (Kórisý) quttyqtap, dastarhan jaıdy, dep habarlaıdy QazAqparat tilshisi.
Búgin Aqtóbedegi mádenı-bilim ordalarynda Amal merekesi atalyp ótti. Saqtaǵan Báıishev atyndaǵy ámbebap ǵylymı kitaphanasynda «Qosh keldiń, Naýryz» atty shara uıymdastyryldy. Ujym dastarhan jaıyp, oqyrmandarymen kóristi.
«Kún men tún teńelgen shaqta biz jastarǵa, oqyrmandarǵa úlgi bolý úshin Amal merekesin atap óttik. «Jasyń qutty bolsyn!» dep aıtamyz. ıAǵnı, jańa jyl kelip, adamdar bir-birimen qaýyshyp jatyr. Keshirim aıy, tatýlyqqa úndeıtin mereke. Bul elimizdiń Batys óńirinde keń taraǵan», - dedi kitaphananyń bólim meńgerýshisi Quralaı Raıymbaeva.
14 naýryz kúni Amal merekesi atalyp ótiledi. Bul kúni ata-babamyz tańerteń erte turyp, bar ádemi kıimderin kıip, et asyp, kóje pisirgen. Naýryz tilek aıtaldy.
«Jastar jarapazan aıtyp, jeńgelerinen ártúrli syılyq alyp otyrǵan. Bul kúni qar ushqyndasa, ultymyz Naýryzsha dep ataǵan. Muny nur jaýdy, bıylǵy jyl qutty jyl bolady dep yrymdady. Kórisý kúni Naýryz báısheshek búr jarǵan. Bul Qyzyl kitapqa engen ósimdik. Naýryz kúnderi jyly jaqtan ushyp kelgen qustar Naýryz sheshek dep atalǵan»,- dedi kitaphana dırektory Nesibe Jumaǵul.
Oqyrmandaryna Naýryz merekesiniń tarıhy men salt-dástúri týraly maǵlumat bergen kitaphana ujymy aldaǵy on kúnde merekelik sharalar uıymdastyrady. Kitap kórmesin ótkizilip, tarıhshylarmen kezdesý ótkizedi.
