Aqtóbede qysqy demalysta oqýshylarǵa úıirmeler uıymdastyrylady
AQTÓBE. KAZINFORM – Qysqy kanıkýlda oqýshylar kitap oqý, túrli qolóner úıirmelerine qatysa alady. Sonymen birge psıhologııalyq qoldaý ortalyǵy ata-ana men balalar, pedagogterge trenıng ótkizedi.
Aqtóbelik oqýshylar Jańa jyl merekesinen keıin mektepterde uıymdastyrylatyn úıirmelerge qatysa alady. Mektepte kitap oqý, teatrlandyrylǵan festıval men keshter ótedi. Sonymen birge qolóner úıirmeleri jumys isteıdi.
- Qaýipsizdik sabaqtary da qatar uıymdastyrylady. Sonymen birge mýzeı, ǵylymı ortalyqtar men tarıhı oryndarǵa baryp, sporttyq sharalarǵa qatysady. Qaıyrymdylyq aktsııasy da ótedi,- dep habarlady Aqtóbe oblystyq bilim basqarmasynyń baspasóz qyzmeti.
Al «Jan ahýal» psıhologııalyq qoldaý ortalyǵy oqýshylarǵa, ata-analarǵa, muǵalimderge trenıng uıymdastyrady.
- Mamandar balalar men jasóspirimderdiń kóńilin kóterip, ózin-ózi tanýyna kómektesedi.
Oqýshylar bir-birin túsinip, ózin baǵalaýdy da meńgeredi. Jeke shekarany qorǵaý, alǵa maqsat qoıyp, bolashaq josparyn qurý psıhologııalyq trenıngi ótedi. Ata-analar bolsa balamen til tabysý, olardy túsinýdi úırenedi. Ortalyqta Call ortalyq táýlik boıy jumys isteıdi. Bıyl 900-den astam adam habarlasty. Jalpy ortalyqta 2 myńnan astam adam konsýltatsııa alsa, onyń kóbi bala,- dep habarlady «Jan ahýaly» ortalyǵy.
Aıta keteıik, elimizde qysqy kanıkýl kezeńi 2025 jyldyń 29 jeltoqsany men 2026 jyldyń 7 qańtaryn qosa alǵanda on kúnge sozylady.