Aqtóbede kıikti zańsyz atyp alǵan brakonerler ustaldy
AQTÓBE. KAZINFORM – Polıtsııa Baıǵanın aýdanynda reıd júrgizgen. Barlyǵy 14 kıiktiń ushasy tárkilendi.
Polıtsııa Aqtóbe oblysy Baıǵanın aýdany aýmaǵynda ÝAZ kóligin toqtatyp, tekserý júrgizdi.
– Kólikti tekserý kezinde júk salǵyshynan mototsıkl jáne 14 kıiktiń ushasy tabyldy. Avtokólikte otyrǵan Atyraý oblysynyń úsh turǵynynan 12 kalıbrli ańshy myltyǵy, ratsııa, dúrbi jáne pyshaqtar tárkilendi. Atalǵan fakti boıynsha Qylmystyq kodekstiń «Sırek kezdesetin jáne joıylyp ketý qaýpi bar, sondaı-aq paıdalanýǵa tyıym salynǵan janýar túrlerimen zańsyz aınalysý» babymen sotqa deıingi tergeý bastaldy. Qajetti tergeý áreketteri júrgizilip jatyr, - dep habarlady Aqtóbe oblystyq PD baspasóz qyzmeti.
Aıta keteıik Batys Qazaqstan oblysy Tasqala aýdandyq sotynda jergilikti turǵynnyń kıik múıizin zańsyz ıemdenip, saqtaǵany úshin qylmystyq is qaralyp, úkim shyǵaryldy. Sottalýshy bir jylǵa bas bostandyǵynan shekteý jazasyn taǵaıyndady. Úkim zańdy kúshine endi.
