Aqtóbede kıik taptaǵan alqaptyń naqty kólemi anyqtaldy

AQTÓBE. KAZINFORM – Aqtóbede 395 gektar bıdaı, 746 gektar kópjyldyq erkekshóp alqaby taptalǵan. Qazir sharýanyń egis alqabynda kúzet bar.

Aqtóbe oblysy Áıteke bı aýdanyndaǵy «Qumqudyq» JShS-i jergilikti ákimdikke habardy 4 mamyr kún berdi. Al keshe komıssııa baryp, egis alqabyn tekserdi.

- Tekserý kezinde 395 ga bıdaı, 746 ga kópjyldyq erkekshóp alqabynyń taptalǵany anyqtaldy. Qazirgi kezde «Ohotzooprom» ÓB» RMQK oblystyq fılıal qyzmetkerleri kıikti úrkitý jumysyn júrgizip jatyr. Mundaı jaǵdaı sońǵy 2-3 jyldyqta baıqalyp tur. 2023 jyly oblys boıynsha 16 myń ga jerdi kıik taptap ketti. Al jergilikti aýyl sharýashylyǵy qurylymdary kıik sanyn retteý, shyǵyndy óteý týraly usynys aıtyp keledi.

Oblys ákimdigi QR Ekologııa jáne tabıǵı resýrstar mınıstrligine, QR Aýyl sharýashylyǵyna mınıstrligine usynysty qaraý týraly resmı hat jiberildi. Sonymen birge jergilikti atqarýshy organ Aqtóbe oblysy boıynsha orman sharýashylyǵy jáne janýarlar dúnıesi aýmaqtyq ınspektsııasymen birge egis alqabyn qorǵaý úshin jumys tobyn qurdy,- dep habarlady Aqtóbe oblysy ákiminiń baspasóz qyzmeti.

Eske salsaq, Aqtóbe oblysy Áıteke bı aýdanyndaǵy «Qumqudyq» JShS-niń dırektory Aleksandr Chemodanov egis alqabyna kıik kirgenin aıtyp, «Ohotzooprom» mekemesine, Aqtóbe oblysy boıynsha orman sharýashylyǵy jáne janýarlar dúnıesi aýmaqtyq ınspektsııasyna, jergilikti ákimdikke habar berdi.