Aqtóbede kıik múıizin saýdalap júrgender ustaldy
AQTÓBE. QazAqparat - Aqtóbede kıik múıizin satyp alyp, satyp júrgender ustaldy, dep habarlaıdy QazAqparat tilshisi.
Aqtóbe oblystyq polıtsııa departamenti kıik múıizderin satý, satyp alýmen aınalysqan adamdardy áshkereledi. Sonymen qatar Aqtóbe oblysynyń Áıteke bı aýdanynda kıik múıizn zańsyz saqtaǵandar anyqtaldy.
«Áıteke bı aýdanyndaǵy aýyldyq okrýgterdiń biriniń turǵyny jazǵy qonysynda 20 kıik múıizin, 2 ańshy myltyǵy men oq-dári saqtaǵany anyqtalyp, tárkilendi», - dep habarlady oblystyq polıtsııa departamentiniń baspasóz qyzmeti.
Osy derek boıynsha Qylmystyq kodekstiń «Ósimdikterdiń nemese janýarlardyń sırek kezdesetin jáne quryp ketý qaýpi tóngen, sondaı-aq paıdalanýǵa tyıym salynǵan túrlerimen, olardyń bólikterimen nemese derıvattarymen zańsyz aınalysý» baby boıynsha sot aldy tergeý-tekserý amaldary júrgizilýde. Kúdiktiler óz kinálaryn moıyndady.
