Aqtóbede kıik atqan brakoner ustaldy
Aqtóbe oblystyq polıtsııa departamenti 7 aqpan kúni Áıteke bı aýdanynyń Ulǵaısyn aýyly mańynda qarda júretin kólikten eki kıiktiń tutas etin tapty. Olardyń múıizin kesip alǵan.
«Jedel izdestirý jumysy kezinde qarda júretin kólik ıesi anyqtaldy. Ol Áıteke bı aýdanynyń turǵynyna kóligin satyp jibergen. Al qarda júretin kólikti satyp alǵan adam tanysyna ýaqytsha bergen. Polıtsııa qyzmetkerleri barlyq baılanysty anyqtap, 27 jastaǵy kúdiktini qolǵa túsirdi. Ol jylqy baǵyp júrgen kezde eki kıik atyp alǵanyn jasyrmady. Keıin en daladaǵy qystaqqa qarýyn tyǵyp ketken. Al qarda júretin kóligi buzylǵan.
Qazir osy derek boıynsha Qylmystyq kodekstiń 337 babymen tergeý júrip jatyr. Kıik eti men múıizi zattaı aıǵaq retinde tárkilendi. Kúdikti tergeý ızolıatoryna qamaýǵa alyndy», - dedi oblystyq PD baspasóz qyzmetiniń jetekshisi Erbolat Sarqulov.
Aıta keteıik, elimizde brakonerlerge qatysty zań kúsheıtilgen bolatyn.