Aqtóbede kezekte turǵandarǵa jer berý jumysy toqtatyldy
«Sońǵy 5 jylda jeke turǵyn úı qurylysyna 22 638 jer telimi berildi. Onyń ishinde 19 461 jer ýchaskesine ınjenerlik jeli tartylmaǵan. Búgingi kúni osy jerge ınjenerlik jeli tartý úshin 15 mıllıard teńge qajet. Jeke turǵyn úı qurylysy úshin jer ýchaskelerin alýǵa tirkelgen azamattar sany 145 myń adamǵa jetti. Qazirgi tańda bul azamattardyń barlyǵyna jer ýchaskelerin berý múmkin emes. Sebebi, qazirgi qalanyń aýmaǵy 29700 ga qurasa, kezekte turǵandarǵa jer berilgen jaǵdaıda shamamen qosymsha 20700 ga astam jer ýchaskesin qajet etedi. Bul - ekinshi Aqtóbe qalasyn salýmen birdeı. Sondaı-aq, tek qana ınjenerlik jeliler qurylysynyń quny - 105 mlrd teńge bolyp otyr», - dedi Aqtóbe qalasynyń ákimi Mavr Abdýllın.
Jergilikti ákimdik jer berý jumysyn ýaqytsha toqtatqan. Tek berilgen jerdi paıdalanbaǵandardan qaıtaryp alyp, qaıta berip jatyr. Ákimdik Nur-Aqtóbe, Batys-3, Máskeý aýdandarynda kópqabatty úıler salyp, ony kezekte turǵandarǵa balama nusqa retinde jeńildetilgen shartpen satýdy usyndy. Atalǵan aýdandarda 238 myńnan astam adam tura alady.
