Aqtóbede kezekte turǵan adamdar alǵan 19 myń jer telimine ınjenerlik jeli múlde tartylmaǵan

AQTÓBE. QazAqparat – Aqtóbe qalasynda 145 myńnan astam adam jer telimi keziginde tur. On sotyq jer alǵandar ınjenerlik jelilerdi kútip otyr, dep habarlaıdy QazAqparat tilshisi.

Aqtóbe qalasynyń ákimi Mavr Abdýllın búgin qalalyq máslıhat depýtattarynyń aldynda esep berdi.

«Jeke turǵyn úı qurylysyna 22 500 jer telimi berilgen. Tek 3500 jer telimine gaz, sý, jaryq sııaqty ınjenerlik jeli tartyldy. Al ózge 19 myń turǵyn jer aldy, ınfraqurylymy joq», - dedi qala basshysy Mavr Abdýllın.

Aıta keteıik, bıyl bar bolǵany 116 jer ýchaskesi ǵana berilgen. 2019 jyldyń naýryzynda 18 myń jer ýchaskesin berý úshin jobalyq-smetalyq qujat daıyndaýǵa sheshim shyǵarylǵan. Biraq bul másele ashyq kúıinde qaldy. Sebebi buǵan deıin jer alǵandar da úı sala almaı otyr.

«Qazir jer berý ýaqytsha toqtatyldy. Osy ýaqytqa deıin berilgen jer telimderin tekseremiz. Paıdalanbaǵandaryn keri qaıtaryp, kezekte turǵandaryna qaıta beremiz. Barlyǵy 145 myń adamǵa jer telimin berý úshin 105 mıllıard teńge qajet bolady. Mundaı aqsha bıýdjette joq», - dedi Mavr Abdýllın.