Aqtóbede kezekshilik kezinde uıyqtap qalǵan polıtsııa qyzmetkerleri sottaldy

AQTÓBE. KAZINFORM – Aqtóbede polıtsııa qyzmetkerleri túngi kezekshilik ýaqytynda uıyqtap, eki kúdiktiden aıyrylyp qalǵany úshin sottaldy. Úsheýine de shartty jaza kesildi.

Qylmystyq is Aqtóbe qalasynyń №2 sotynda qaraldy.

Aqtóbe qalasy Polıtsııa basqarmasynyń ýaqytsha ustaý ızolıatorynda táýliktik kezekshilikke turǵan úsh qyzmetkerge Qylmystyq kodekstiń «Salǵyrttyq» baby baby boıynsha aıyp taǵyldy.

Іs materıalyna súıensek, byltyr qarasha aıynda saǵat 01:34 - 05:58 aralyǵynda «S», «N» jáne «I» qyzmet atqarý ornynda uıyqtap qalyp, qamaýda otyrǵan «E» men «K» saǵat 03:36-da qashyp ketken. Olar kireberistegi temir esiktiń magnıttik qulpyndaǵy symdaryn úzip, syrtqa emin-erkin shyqqan.

- «S», «I» jáne «N» salǵyrttyq, ıaǵnı, laýazymdy adamnyń óz mindetterin tıisinshe oryndamaı, qyzmetine adal qaramaýy nemese uqypsyz qaraýy saldarynan qoǵamnyń jáne memlekettiń zańmen qorǵalatyn múddelerine eleýli zııan keltirýge ákep soqqan qylmystyq quqyq buzýshylyq jasaǵan. Sottalýshylar «N» jáne «I» kinásin moıyndady, al «S» kinásin moıyndamady. Sot úkimimen «S», «I» jáne «N» árqaısysyna 1 jyl bas bostandyǵyn shekteý jazasy taǵaıyndaldy. Sot úkimi zańdy kúshine engen joq,- dep habarlady Aqtóbe qalasy №2 sotynyń baspasóz qyzmeti.