Aqtóbede kezekshi synyptarǵa qoıylǵan talap ózgerdi
AQTÓBE. QazAqparat – Aqtóbede kezekshi synyptarǵa qoıylǵan talap ózgerdi, dep habarlaıdy QazAqparat tilshisi.
Aqtóbe oblysy boıynsha 1312 kezekshi top bar. Onda 17 myńnan astam bala bilim alyp júr. Óńirdegi 219 mektepte dástúrli formatta bilim berý úrdisi saqtaldy.
«Bastaýysh synyp oqýshylary úshin bir topqa bir ǵana múǵalim erejesi bekitilgen bolatyn. Sanıtarııa talabynyń ózgerýine baılanysty orys tili, aǵylshyn tili sekildi ózge de pánderdiń muǵalimderi sabaq berýin bastaıdy. Sabaq 3 kún bolǵan, endi 5 kúndik rejım saqtalady. Bir aıta ketetin jaıt, ata-ana ótinishi boıynsha 1-synyp oqýshysy ekige bólinedi. Biri túske deıin, biri tústen keıin bilim alady. Dene shynyqtyrý, kórkem eńbek jáne mýzyka sekildi qosymsha pánder qashyqtan júrgiziledi. Barlyǵy qaýipsizdik úshin qolǵa alynǵan shara», - dedi oblystyq bilim basqarmasy basshysynyń orynbasary Gúlnaz Súleımenova.
Aıta keteıik, úsh aýysymdy mektepterde úsh aýysym saqtalady. Munda bastaýysh synyptarǵa arnalǵan orys tili, aǵylshyn tili, kórkem eńbek, dene shynyqtyrý, mýzyka pánderi qashyqtan ótedi. Aqtóbe qalasyndaǵy 6 mektepte kúrdeli jóndeý jumysy áli aıaqtalǵan joq. Sondyqtan ol jerde kezekshi synyptar qazan aıynda ashylady.
«Túsindirý jumysy jan-jaqty júrgizildi. Endi úı tapsyrmasy berilmeıdi. ıAǵnı, bala úıde otyrǵandyqtan oqý tapsyrmasymen aýystyryldy», - dedi oblystyq bilim basqarmasy basshysynyń orynbasary Gúlnaz Súleımenova.
