Aqtóbede keramıkalyq plıta shyǵarylmaq
AQTÓBE. QazAqparat - 2018 jyly Aqtóbe ındýstrııalyq aımaǵynda quny, 9 mlrd teńge bolatyn keramıka men keramogranıt shyǵaratyn jańa zaýyt iske qosylady. Oblystaǵy iri ınvestıtsııalyq jobanyń júzege asyrylý barysy óńirlik úılestirý keńesinde qaraldy, dep habarlaıdy «QazAqparat» HAA tilshisi oblys ákiminiń baspasóz qyzmetine silteme jasap.
Jańa zaýyt 2018 jyldyń ekinshi jartyjyldyǵynda paıdalanýǵa beriledi. «Zerde-Keramıka-Aqtóbe» JShS zaýytynda 150 jańa jumys orny ashylady.
Sondaı-aq, Baıǵanın aýdanynda «Qojasaı» ken ornyndaǵy shıkizat bazasyn tıimdi paıdalanýǵa múmkindik beretin gaz daıyndaıtyn keshen qurylysynyń bastalatyny belgili boldy. Qaıta óńdeý kezinde bul jerden tazartylǵan jáne suıytylǵan propan-býtan tehnıkalyq gazy, turaqty gaz kondensaty jáne túıirshiktelgen kúkirt alynatyn bolady.
Jobanyń quny - 21,2 mlrd teńge. Nysan bıyl jeltoqsanda paıdalanýǵa beriledi dep josparlanyp otyr.
«Bul jobalardyń barlyǵy halyqtyń ekonomıkalyq áleýetin arttyrýǵa, jańa jumys oryndaryn ashýǵa, básekege qabiletti otandyq ónim óndirýge baǵyttalǵan. Biz kásipkerlerge qoldaý kórsetýimiz kerek», - dep atap ótti Berdibek Saparbaev.
