Aqtóbede Keńes áskeri jerlengen Baýyrlastar zıratynyń temir qorshaýy urlandy
AQTÓBE. QazAqparat - Aqtóbede 290 Keńes áskeri jerlengen Baýyrlastar zıratynyń temir qorshaýyn kimniń urlap ketkeni áli belgisiz. Polıtsııa metall qabyldaý oryndaryn tekserýge shyqty, dep habarlaıdy QazAqparat tilshisi.
Aqtóbeniń «Sút zaýyty» aýdany mańyndaǵy qorshaýly zıratta taǵy da temir qorshaý urlandy. Bul joly júzdegen ásker jerlengen jerdiń temir qorshaýy túgel qoldy boldy.
«Sút zaýyty» aýmaǵynda ornalasqan Baýyrlastar zıratynan temir qorshaýlardyń urlaný deregine qatysty Qylmystyq Kodeksiniń «Urlyq» baby boıynsha sotaldy tergeý-tekserý amaldary júrgizilýde. Kúdiktilerdi anyqtaý boıynsha jedel is-sharalar qolǵa alyndy. Metall qabyldaý oryndary tekserilip jatyr», - dep habarlady Aqtóbe oblysy PD baspasóz qyzmeti. 
Aıta keteıik, munda 290 Keńes áskeri jerlengen. 2012 jyly belgisiz bireýler zırattaǵy granıt tasty belgini syndyryp ketken bolatyn.
Eskertkish memleket qorǵaýyna alynǵanymen jıi búlinedi.
