Aqtóbede Qazaqstannyń 3 dúrkin chempıony Dáýlet Haırollanyń esimi ulyqtaldy
AQTÓBE. QazAqparat – Aqtóbe qalasyndaǵy sport klýbyna karateden Qazaqstan kýbogynyń úsh dúrkin chempıony marqum Dáýlet Haırollanyń esimi berildi, dep habarlaıdy QazAqparat tilshisi.
Dáýlet Haırolla taıaýda ǵana kisi qolynan qaza tapty. Aqtóbe oblystyq polıtsııa departamenti jastar jınalyp, týǵan kún toılamaq bolǵan kezde eki jigit janjaldasyp, biri ekinshisin atyp tastaǵanyn habarlady. Qazir osy oqıǵaǵa qatysty qylmystyq is qozǵaldy, kúdikti ustaldy.
Al búgin karateden Qazaqstan kýbogynyń, Azııa kýbogynyń ıegeri, Qazaqstan chempıonatynyń jeńimpazy jattyqqan sport klýbyna onyń esimi berildi. Bul osy sport klýb tárbıelenýshileri men ata-analardyń, jattyqtyrýshylar men Karate federatsııasynyń oblystyq fılıalynan túsken usynys.
«Onyń maqsaty – Eýropa, álemdi baǵyndyrý edi. Jas ómiri úzilip ketti. Onyń isin shákirtteri, onyń komandasy jalǵastyrady dep oılaımyn. Barlyq ata-analarǵa «balalaryńyzǵa saq bolyńyzdar» dep aıtqym keledi. Al jastarǵa «sportty súıińder» deımin. Birge bolsa, qarý qoldanbasa dep tileımin», - dedi Dáýlet Haırollanyń ákesi Tóleýbaı Jaqanov.
Aıta keteıik, sport klýbynda 100-den astam bala jattyǵyp júr.
