Aqtóbede qazaqsha kúresten dástúrli Qazaqstan kýbogy jarysy bastaldy
ALMATY. Qyrkúıektiń 10-y. QazAqparat /Erbol Turymbetov/ - Búgin Aqtóbede qazaqsha kúresten jyl saıynǵy dástúrli Qazaqstan kýbogy jarysy bastaldy. Onda oblystyq quramalar básekesimen birge jekeleı balýandar beldesýleri ótýde,
dep habarlaıdy QazAqparat.
Ashylý saltanatynda qazaqsha kúresten memlekettik bapker Marat Jahıtov qatysýshylardy jarystyń ashylý saltanatymen quttyqtap, sáttilik tiledi.
Jarystyń búgingi qorytyndysy boıynsha birqatar oblystyq quramalar kezdesýleri aıaqtaldy. Onyń qorytyndysy boıynsha, Ońtústik Qazaqstan oblysy Astana komandasyn 5:2 esebimen, osy eseppen Qyzylorda oblysy Mańǵystaý quramasyn utty. Sondaı-aq, Semeı komandasy men Almaty komandalary teń túsip, semeılikter kúres sapasynyń joǵarylyǵymen artyqshylyq aldy.
Jalpy, ár komanda 7 salmaq dárejesi boıynsha beldesýler ótkizýde. Balýandar endi erteńgi jarys kúninde jekeleı syndarǵa túsedi. Qazaqstan kýbogy básekesi erteń óz máresine jetedi dep josparlanǵan.
