Aqtóbede qaza bolǵan jumysshylardyń otbasy shyǵyndy óndirip aldy

AQTÓBE. KAZINFORM — Jumys berýshi qaza bolǵan eki jumysshynyń otbasyna moraldyq shyǵyn retinde 20 mln teńge tóleıdi. Sonymen birge sadaqa, jerleý shyǵyny óteledi.

Aqtóbe qalalyq sotynda kásiporyn aýmaǵynda bolǵan jol-kólik oqıǵasy, eki jumysshynyń qazasy, materıaldyq zalaldy jáne moraldyq zııandy óteý týraly talap aryz qaraldy.

Talap aryz ishinara qanaǵattandyryldy. 

— Qyzmettik avtokólik júrgizýshisi qozǵalys kezinde qaýipsizdik talaptaryn saqtamaı, joldan shyǵyp ketedi. Sol kezde eki jumysshyny qaǵyp, olar qaıtys boldy. Tergeý aktisine sáıkes jazataıym oqıǵanyń óndiriske baılanysty ekeni anyqtaldyıa, ıaǵnı, 50 paıyz jumysshy, 50 paıyz jumys berýshi kinásinen boldy. Jumysshy jumys berýshige eskertpeı, jumys ornynan ketip, tártip buzdy, al jumys berýshi eńbek qaýipsizdigi kýrsyn oqytpaǵan, óndiristik protsess pen jumysty qaýipsiz júrgizý jónindegi qujattar bermegen. Aqtóbe qalalyq sotynyń sheshimimen talap aryz ishinara qanaǵattandyrylyp, jaýapkerden 4,4 mln teńgeden astam jerleý rámisi shyǵyny, 20 mln teńge (ár talap qoıýshyǵa 10 mln teńgeden) moraldyq jáne sot shyǵyndary óndirildi. Sot sheshimi zańdy kúshine endi, — dep habarlady Aqtóbe oblystyq sotynyń baspasóz qyzmeti.

Eske salsaq, byltyr Aqtóbe oblysy Hromtaý aýdanynda ornalasqan Dóń ken-baıytý kombınatynda júk kóligi aýdaryldy.

Oqıǵa ornynda eki jumysshy kóz jumdy.