Aqtóbede qaza bolǵan áskerılerge arnalǵan memorıaldyq eskertkish taqta ashyldy
Ulttyq ulannnyń qurylýynyń 25 jyldyǵyna oraılastyrǵan sharaǵa Aqtóbe oblysy ákimi B.Saparbaev, qala ákimi I.Ispanov, Májilis tóraǵasynyń orynbasary V.Bojko, Májilis depýtaty A.Tasbolatov, Qazaqstan halyqtary Assambleıasynyń ókilderi, ІІM, UU ardagerleri, quqyq qorǵaý organdarynyń qyzmetkerleri, qaıtys bolǵan áskerılerdiń otbasy músheleri qatysty.
Aıta keterligi, byltyr 5 maýsymda 17 qandyqol qaraqshydan turatyn lańkestik top «MAN» avtobýsyn kúshpen ıemdenip, 6655 áskerı bólimine shabýyl jasap, qarý-jaraq pen oq-dáriler qoımasyn basyp almaqshy bolǵany málim.
Іshki qaraýyldyń jeke quramynyń sheshimdi áreketteriniń nátıjesinde áskerı bólimge jasalǵan shabýylǵa toıtarys berildi, ókinishtisi, osy qaqtyǵys kezinde 3 áskerı qaıtys bolyp, altaý ártúrli deńgeıdegi jaraqat aldy.
Osy oqıǵa kezinde qaza tapqan eki áskerı «Qazaqstan Respýblıkasynyń Quqyqtyq tártip áskerine - 25 jyl» keýde belgisimen marapattaldy. Bular podpolkovnık Danıel Maılybaev pen kishi serjant Berikjan Qalıev. Marapatty Danıeldiń aǵasy Aıan Aqarysuly jáne Berikjannyń anasy Gúljan Tólenqyzy qabyldap aldy.
Eske sala ketsek, elimiz Táýelsizdigin jarııalaǵannan keıin Qazaqstan Qarýly Kúshteriniń ishinde alǵash bolyp Qazaqstan Іshki áskeri qurylady. 1992 jyldyń 10 qańtarynda Qazaqstan Respýblıkasynyń Prezıdenti N. Á. Nazarbaev Qazaqstan Respýblıkasynyń Іshki áskerlerin qurý týraly Jarlyqqa qol qoıdy. 1992 jyldyń maýsym aıynda «Qazaqstan Respýblıkasynyń Іshki áskerleri týraly» Zań qabyldandy. Áskerler quramyna mańyzdy memlekettik nysandardy kúzetetin arnaıy bólimder endi. 2014 jylǵy sáýir aıynda Elbasy Jarlyǵymen QR ІІM Іshki áskerleri Ulttyq ulan bolyp qaıta quryldy.
Zada ZEIІN
