Aqtóbede qaıyrymdylyq jáshikterin urlaǵan kúdikti ustaldy

AQTÓBE. QazAqparat - Aqtóbedegi sýpermarketterdiń birinde turǵan qaıyrymdylyq jáshigin urlap, aqshany alyp ketken kúdikti ustaldy, dep habarlaıdy QazAqparat tilshisi.

Aqtóbedegi sýpermarkettiń qaýipsizdik qyzmeti 27 jastaǵy qala turǵynynyń emine arnalǵan qaıyrymdylyq jáshiginiń joǵalyp ketkeni týraly aryz jazyp,  polıtsııaǵa habarlady. Oqıǵa túngi ýaqytta tirkelgen.

«Tártip saqshylary jedel izdestirý kezinde 20 jastaǵy Aqtóbe qalasynyń turǵynyn ustady. Kúdikti úshinshi ret qaıyrymdylyq jáshikterin urlap tur. Dúkenderdegi jáshikke jınalǵan qarjyny urlap, keıin aqshany óz kádesine jaratyp otyrǵan. Úsh jáshikte 150 myń teńgege jýyq qarjy bolǵan eken»,- dedi Aqtóbe oblystyq ІІD baspasóz hatshysy.

Osy oqıǵa boıynsha Qylmystyq kodekstiń «Urlyq» baby boıynsha is qozǵalyp, tergeý júrip jatyr. Eger kúdiktiniń kinási dáleldense, ol 3 jylǵa deıin bas bostandyǵynan aıyrylýy múmkin.