Aqtóbede qaıtys bolǵan adamdar baspana kezeginde turǵan
AQTÓBE. KAZINFORM — Aqtóbe oblysynyń prokýratýrasy turǵyn úı alý kezegin ýaqytyly túgendeý boıynsha jergilikti atqarýshy organdardyń qyzmetine taldaý júrgizdi. Bul týraly Bas prokýratýranyń baspasóz qyzmeti habarlady.
Aqtóbe oblysynda 36 myńnan astam adam kezekte tur, onyń ishinde kópbalaly otbasylar, jetim balalar men halyqtyń áleýmettik osal toptaryna jatatyndar. Basqa eldi mekenge turaqty turýǵa ketken, eńbek qatynastary toqtatylǵan jáne turǵyn úıdi jekeshelendirip úlgergen 100-den astam azamat baspanaǵa muqtajdardyń derekqorynan shyǵarylmaǵan.
Sonymen qatar, muqtaj azamattardyń tiziminde qaıtys bolǵan 11 azamat kezekte turǵan.
Taldaý nátıjesimen kommýnaldyq turǵyn úı qorynan turǵyn úıge muqtaj azamattardyń kezektegi tizimderin túgendeý jumystary jergilikti atqarýshy organdar tarapynan durys júrgizilmegeni anyqtaldy.
Atalǵan faktiler boıynsha prokýrorlyq qadaǵalaý aktisi engizilip, zań buzýshylyqtar joıyldy.
