Aqtóbede qaıyqpen qatynap júrgen aýdanda tehnıkalyq kópir iske qosyldy
AQTÓBE. KAZINFORM — Qazir Oıyl ózeni arqyly kólikpen alma-kezek ótýge bolady. Júk kólikteriniń júrýine tyıym salynǵan.

Aqtóbe oblysy Oıyl aýdanynda turǵyndar apta boıy qaıyqpen qatynady. Bul problemany tez sheshý úshin tehnıkalyq kópir salyndy.

— Tehnıkalyq kópir birjolaqty baǵyttaǵy qozǵalysqa arnalǵan. Ýaqytsha kópirden jeńil kólikter kezektesip ótkiziledi. Aýyr júr kólikteriniń júrýine tyıym salynady. Sondyqtan jol erejesin qatań saqtaýdy suraımyz, — dedi Oı̆yl aýdany ákiminiń orynbasary Nurjaý Turǵambekov.
Qurylysqa 25 arnaı̆y tehnıka jáne 70-ten astam adam tartyldy. Olar táýlik boı̆y jumys istedi.
Eske salsaq, 15 naýryz kúni Oıyl aýdanyna kireberistegi ýaqytsha ótkeldi sý shaıdy.
Al 17 naýryz kúni tehnıkalyq kópir qurylysy bastaldy. Bul aýdandaǵy kópir byltyr tasqynda zaqymdandy. Bıyl saraptama qorytyndysy shyǵyp, qalpyna keltiretin merdiger anyqtaldy.