Aqtóbede Kavasakı tárizdi sındromǵa shaldyqqan eki bala emdelip jatyr
AQTÓBE. QazAqparat – Aqtóbede 14 jáne 4 jastaǵy eki bala Kavasakı tárizdi sındromǵa shaldyǵyp, em qabyldady. Endi ekeýi de densaýlyǵyn nyqtaıdy, dep habarlaıdy QazAqparat tilshisi.
Aqtóbe oblysy boıynsha bıyl tumaýǵa qarsy 88 myń doza ekpe ákelindi. Ekpe jumysy qazir júrip jatyr. Barlyǵy 47 myńnan astam adam vaktsına alyp úlgerdi. Vaktsınatsııalaý kórsetkishi 50 paıyzdan joǵary. Olar arnaıy top ókilderi. Jasy 60-tan asqan adamdar, sozylmaly aýrýǵa shyldyqqandar men júkti áıelder, balalar tegin ekpe qabyldap jatyr. Mektep-ınternattaǵy balalar da ımmýnızatsııa aptalyǵynda qamtyldy.
«Sozylmaly aýrýy bar mektep oqýshylary da tizimge alyndy. Qazirgi ýaqytta 8 506 balaǵa ekpe alýy kerek bolsa, onyń 5303-ine vaktsına berildi. Negizi vaktsınadan bas tartyp jatqan adam joq. Immýndaýdy qazan aıynda aıaqtaýymyz kerek. Vaktsına reseılik. Óte jaqsy ekpe. Bir jylǵa jaramdy. Allergııasy bar adamdardyń aldyn ala medıtsınalyq tekserýden ótkeni jón. Oqýshylar tegin ala alady. Ákimdik bıyl bul baǵyttaǵy jumysqa 68 mıllıon teńgege jýyq qarjy aýdardy. Buryn mundaı aqsha bólinbegen», - dedi oblystyq densaýlyq saqtaý basqarmasy basshysynyń orynbasary Nurlan Qojın.
Aıta keteıik, buǵan deıin Aqtóbe oblysynda 4 jastaǵy sábı men 14 jastaǵy jasóspirimnen Kavasakı sındromy anyqtalǵan bolatyn. Qazir eki balanyń jaǵdaıy jaqsy.
«Negizi koronavırýs ınfektsııasyna shaldyqqan adamda Kavasakı sındromy da paıda bolýy múmkin. Bul dert birneshe adamnyń dene múshesin zaqymdaıdy. Qan-tamyrlaryna keri áseri bar. Bizde eki bala aýyrdy. Bireýi 14-te, ekinshisi 4-te. Ekeýi de din aman. Em júrgizildi, antıbıotık berildi. Qazir jaǵdaıy birqalypty. Saýyqtyrý sharasy júrgiziledi. Negizi Kavasakı sındromy týraly ortalyqtan aqparat berilip, biz semınar da ótkizdik. Dárigerler bul aýrý týraly biledi. Emdeý júrgizýge daıyn. Anyqtalsa birden oblystyq balalar aýrýhanasyna jetkiziledi. Onda arnaıy top bar. Mamandardyń bári tájirıbeli», - Nurlan Qojın.
