Aqtóbede qaýipsizdik kúsheıtiledi
AQTÓBE. QazAqparat - Aqtóbede tótenshe jaǵdaılar qyzmeti men polıtsııa baqylaýdy kúsheıtti, dep habarlaıdy QazAqparat tilshisi.
Aqtóbe qalasynyń ákimi Mavr Abdýllın jáne oblystyq polıtsııa departamenti bastyǵynyń birinshi orynbasary Qanat Álıev jańa jyldyq kesh ótkizý kezinde qaýipsizdikti qamtamasyz etýdi tapsyrdy. Kúzet qyzmetin kúsheıtip, tóbeles bolsa birden polıtsııa shaqyrýǵa keńes berdi. Jıynǵa meıramhana, dámhana ıeleri, qalalyq polıtsııa bólimderiniń bastyqtary men ýchaskelik polıtsııa ınspektorlary qatysty.
«Eń aldymen azamattardyń qaýipsizdigin qamtamasyz etý qajet. Kóp jaǵdaıda demalys oryndaǵy kúzet álsiz, baqylaý az. Keıde merekelik kesh sońy qaıǵyly jaǵdaımen aıaqtalatyny jasyryn emes»,- qala ákimi dedi Mavr Abdýllın. Oblystyq PD bastyǵynyń birinshi orynbasary Qanat Álıev kásipkerlerdi birge jumys isteýge shaqyrdy. «Dámhana men meıramhanalarda janjal týyndaǵa polıtsııa shaqyryp, onyń jumys isteýine múmkindik berýi kerek. Keıbiri ǵımarat ishine kirgizbeıdi. Polıtsııa baryp, ýaqytynan buryn jabýdy, sóıtip qylmystyń alýǵa septigin tıgizýdi suraıdy. Bul buıryq emes, ótinish», - dedi Qanat Álıev. Aıta keteıik, monıtorıng kezinde 171 kóńil kóterý mekemesinde 497 qylmys jasalǵany anyqtaldy. onyń ishinde 159 buzaqylyq, 30 tonaý, 6 dene jaraqatyn salý jáne 250 bóten múlikti urlaý. Qalanyń eski bóligindegi bir ǵana kafede 24 qylmys tirkelgen. Lnyń ishinde 18 buzaqylyq, 3 urlyq jáne 3 tonaý. Qylmys negizinen túngi ýaqytta jasalady. Jańa jyl qarsańynda polıtsııa qyzmeti kóńil kóterý oryndarynyń mańaıynda bolady.
