Aqtóbede qatty jelden aýrýhananyń shatyry ushyp, 4 elektr baǵanasy qulady
AQTÓBE. QazAqparat – Aqtóbeniń Temir aýdanynda qatty jeldiń saldarynan úı men aýrýhana shatyry ushyp, elektr baǵanalary qulady, dep habarlaıdy QazAqparat tilshisi.
Aqtóbe oblystyq tótenshe jaǵdaılar departamentiniń habarlaýynsha, búgin saǵat 6:00-de Shubarqudyq aýylynda qatty jel soqqan.
Saldarynan 2 qabatty 16 páterli turǵyn úıdiń, aýdandyq aýrýhana shatyrynyń bir bóligi ushyp ketti.
Barlyǵy 973 abonement, 109 uıym jaryqsyz qaldy. Qazir jóndeý-qalpyna keltirý jumysy júrip jatyr.
«Temirjol boıynda 4 elektr baǵanasy qulap qaldy. Nátıjesinde «Atyraý – Nur-Sultan» jolaýshylar poıyzy 2 saǵat 34 mınýtqa keshikti. Zardap shekken adam joq. Oqıǵa ornynda tótenshe jaǵdaılar qyzmeti, temirjol salasynyń mamandary jumys istep jatyr», - dep habarlady oblystyq TJD baspasóz qyzmeti.
