Aqtóbede qatty aıazǵa baılanysty avtobýstardyń júrýine tyıym salyndy
AQTÓBE. QazAqparat - Aqtóbede birneshe jolda shekteý qoıyldy. Avtobýstarǵa jáne dızeldi otynmen júretin kólikterge alys saparǵa shyǵýǵa bolmaıdy, dep habarlaıdy QazAqparat tilshisi.
Aqtóbede respýblıkalyq mańyzy bar joldarda kólik qozǵalysyna shekteý qoıyldy. Oblystyq tótenshe jaǵdaılar departamentiniń baspasóz qyzmetiniń habarlaýynsha, jergilikti ýaqyt 17:30-dan bastap avtobýstar men dızeldi otynmen júretin kólikterge shekteý bar. Sebebi, aýa temperatýrasy -38S deıin tómendeıdi.
«Samara-Shymkent» tasjolynyń Aqtóbe qalasynan bastap Qyzylorda oblysyna deıingi aýmaǵynda shekteý qoıyldy. Sonymen qatar, Aqtóbe oblysy, Áıteke bı aýdanynyń Qarabutaq aýylynan Qostanaı oblysyna deıingi aýmaǵynda da qatty aıaz bolady. Aqtóbe-Orsk, Aqtóbe-Orynbor tasjoly Reseıdiń shekarasyna deıin qadaǵalaýǵa alyndy. Munda da avtobýstardyń júrýine bolmaıdy», - dedi oblystyq TDJ baspasóz qyzmeti.
