Aqtóbede qatty jel kezinde mekteptiń shatyry ushyp ketti
AQTÓBE. KAZINFORM — Oqıǵa Alǵa aýdanynyń Bestamaq aýylynda tirkeldi. Qatty jel kezinde mektep shatyry búlindi.
Aqtóbe oblystyq TJD baspasóz qyzmetiniń habarlaýynsha, tótenshe jaǵdaılar qyzmetkerleri mektepke kómekke bardy, derekti tirkedi. Áleýmettik jeli arqyly taraǵan vıdeodan qatty jel kezinde shatyrdyń qozǵalyp turǵanyn kórýge bolady. Keıin mektep shatyrynyń teń jartysy ushyp ketken.
— Beısenbi kúni qatty jel boldy. Sol kúni jeldiń jyldamdyǵy sekýndyna 25 metrge deıin jetti. Mektep shatyrynyń bir jaq bóligi ushyp ketti. Ol kúni balalar onlaın oqydy. Qazirgi kezde qajetti qurylys materıaldary jetkizildi, qalpyna keltirý jumysy bastaldy. Jumys bir aptada aıaqtalady, oqý protsesine kedergi keltirmeıdi, — dedi Alǵa aýdanynyń ákimi Aslanbek Shúıinshalıev.
Bestamaq orta mektebi 70-jyldary salynǵan. 2023 jyly oblystaǵy Tirek mektepter qataryna kirdi. Munda birneshe oqý kabıneti jabdyqtalyp, oblystaǵy ózge mektepterge úlgi retinde kórsetildi.
Aıta keteıik, Aqtóbede aıaz ben jel kúsheıip, beısenbi, senbi kúnderi sabaq onlaın ótti. Sonymen birge jolda qalǵan sheteldikterge kómek kórsetildi.