Aqtóbede kásipkerler kolonııada kásip ashty

ASTANA. KAZINFORM - Bıylǵy sáýir aıynda oblys prokýratýrasy Aqtóbe oblysy boıynsha Qylmystyq atqarý júıesi departamentiniń №8 mekemesinde qala kásipkerlerine kásip ashý maqsatynda «Ashyq esik kúni» sharasyn ótkizdi.

Aqtóbe oblystyq prokýratýasy baspasóz qyzmetiniń habarlaýynsha, búginde mekeme aýmaǵynda 400-den astam sottalǵandardy jumyspen qamtyp otyrǵan 11 shaǵyn jáne orta bıznes sýbektileri bar.

Aktsııa qorytyndysy boıynsha qyzyǵýshylyq tanytqan kásipkerler termofasad jáne kıim-keshek jasaıtyn mekemede kásip ashýǵa nıet bildirdi.

Mundaı yntymaqtastyqtyń artyqshylyqtary óndiristik úı-jaılardyń, jumys isteıtin sheberhanalardyń bolýy, jalǵa alýdyń bolmaýy, obektilerdi kúzetýdi qamtamasyz etý jáne dabyldardy nemese kúzet qyzmetkerlerin ornatýdyń qajeti joq, kásipkerdiń qolda bar múmkindikterdi eskere otyryp, tegin úı-jaılardy tańdaý múmkindigi, jáne daıyn ınfraqurylymnyń bolýy.

Sonymen qatar, kásipkerlerdiń kásipker kadrlardy tańdaý úshin jumyspen qamtý organdaryna habarlasýynyń qajeti joq, mekeme men qylmystyq-atqarý júıesi kásiporyndary olardyń quramyndaǵy mamandardyń esebin júrgizedi.

Qazirgi tańda №8 mekeme aýmaǵynda metall konstrýktsııalardan jıhaz jasaıtyn tsehtar, qorshaýlar, balalar alańdary, qolóner buıymdary, kıim tigý, naýbaıhana, taǵy basqa nysandar jumys isteıdi.

Kásipkerlikti qoldaý jáne sottalǵandardy jumyspen qamtý jumystary jalǵasýda.