Aqtóbede kásipkerden 35 mln teńge aqsha bopsalaǵan eki kúdikti ustaldy
AQTÓBE. KAZINFORM – Aqtóbede eki kúdikti kásipkerler 35 mln teńge bopsalady. Polıtsııanyń arnaıy qyzmeti kúdiktilerdi aqshany alyp jatqan kezde ustady.
Aqtóbe oblystyq Polıtsııa departamenti Ekstremızmge qarsy is-qımyl basqarmasynyń qyzmetkerleri jedel-izdestirý sharasyn ótkizý kezinde eki kúdiktini ustady. Olar Aqtóbe qalasynyń kásipkerin qorqytyp, 35 mln teńge aqsha bopsalady.
"Kúdiktiler buǵan deıin de ishki ister organdarynyń esebinde turǵan. Bul joly kásipkerden aqshanyń bir bóligin alyp jatqan kezde qolǵa tústi. Buǵan deıin jábirlenýshiden alynǵan 4 mln teńge, birneshe uıaly telefon, bank kartalary men pyshaq tárkilendi. Bopsalaý faktisi boıynsha sotqa deıingi tergep-tekserý bastaldy",- dep habarlady oblystyq Polıtsııa departamenti baspasóz qyzmetiniń jetekshisi Erbolat Sarqulov.
