Aqtóbede kásipkerlerdiń dúnıe-múlki búlingen joq
Aqtóbede dúken, saýda oryndary men oıyn-saýyq ortalyqtary, meıramhanalarǵa vandalızm jasalmady. Shaǵyn jáne orta bıznestiń múlki búlinbedi, tonalmady. Oblystyq kásipkerler palatasy baspasóz qyzmetiniń habarlaýynsha, fors-majorǵa baılanysty 10 kásipkerden ótinish túsken. Olar ınternet jelisi bolmaǵan soń tólem jasaı almaı otyr.
«Qazir oblystyq kásipkerler palatasy shtattyq rejımde jumys istep tur. Kásipkerler 1432 Call ortalyǵyna baılanysa alady. Sonymen birge +7(7132)744-607, 87017848582, 87025678011, 87017533093, +77777601142, +77024017668 nómirlerine habarlasýǵa bolady. Biz kásipkerlerge saq bolýdy, kópshilik jınalatyn saltanatty jıyndy ótkizbeýdi eskerttik. Tótenshe jaǵdaıǵa baılanysty 22:00-den 06:00-ge deıin komandanttyq saǵat ornatyldy. Osy ýaqyt aralyǵynda shekteý bar»,- dep habarlady oblystyq kásipkerler palatasynyń baspasóz qyzmeti.